為了提升服務質素,我們會使用Cookie或其他類似技術來改善使用者的閱讀體驗。如想了解更多請到這裡>。如果接受請點確認按鈕進入網站。
女優湊莉久剛當選有日本AV界奧斯卡之稱的「DMM頒獎禮」的「2015最優秀女優賞」,成為日本最人氣女優,是次首度訪港吸引大量粉絲到場支持!
是日中午1時在尖沙咀舉行「《人中之龍 0》日本女優握手會」,邀得最近憑電視劇《大時代》再度人氣急升的「大佬孝」邵仲衡(David) 擔任特別嘉賓,戴上眼罩cosplay遊戲內的黑社會大佬角色「真島吾朗」出席,做慣大佬的邵仲衡表現入型入格,甚有大佬風範。活動期間眾人分成兩組,並邀得兩名現場男粉絲一齊接受挑戰,互相口咬百力滋鬥快傳送芝士圈,最後由朝倉琴美、栗林里莉及男粉絲一隊勝出,二人親自餵該名男粉絲食魚蛋作獎勵。輸家邵仲衡則要接受間尺大懲罰!邵仲衡更即場與3位女優一同試玩遊戲《人中之龍 0》,最後,3名女優即場於簽名板上印上紅唇印作紀念,並與30位預先登記的粉絲逐一握手。
活動後邵仲衡接受訪問,對於最近人氣急升,他笑指:「最近傾緊好多唔同嘅工作,有電視、電影、舞台劇等等。」TVB有聯絡你嗎?「有聯絡但暫時無合作,好像談戀愛,勉強無幸福。 」被問及剛才與AV女優同台表現緊張,他笑指:「我要表現gentlemen一啲,不過我嘅年紀可以做佢哋爸爸啦。不過我好尊重佢哋工作嘅專業態度,佢哋好勤力,而且佢哋今朝早10點已經嚟到化妝準備。」那你是否她們的粉絲?「我無睇AV好多年喇,同我無做大佬一樣呀!」
活動期間各AV女優表現興奮,穿著金色裙,最具人氣的湊莉久表示:「今次係第一次嚟香港,覺得大家都好好人,而香港男仔方面,因為仲未有時間瞭解太多,可能要靠大家講多啲比我知。」穿著紅色裙的栗林里莉非常熱情,餵勝出者食燒賣時更主動提出用口餵,她笑指:「今次係我第二次嚟香港,覺得天氣好熱,同大家一樣好熱情,我覺得香港男仔對女仔好溫柔,希望多啲機會接觸大家。」穿著紫色裙的朝倉琴美則表示:「我覺得香港男仔嘅皮膚好滑呀!」她更即場摸現場男粉絲塊面,嚇得對方不停流汗。