GameApps Logo

教你用 WeChat 「搶利是」!

2016-02-05 6527
新年最開心莫過於同親戚朋友聚聚兼逗利是!但如果朋友難約,又或者老闆旅遊「避年」,又有咩辦法逗多幾封利是?今年,識得逗一定用最新嘅WeChat利是功能,隔空「搶利是」!

  

 

香港用戶除咗可以喺WeChat上逗或者派港幣利是之外,如果有內地錢包,仲可以切換地區搶人民幣利是,兼派「人仔」利是俾內地嘅朋友。

 

必學!三招「搶利是」攻略
依家利用WeChat利是功能,可透過對話視窗,同你嘅WeChat好友互派利是。但每次於群組派發利是嘅數目有限,而且金額都會隨機分配,搶到幾多就要睇手氣啦。學定以下3招「搶利是」攻略過肥年!

 

  1. 1.    啟用「錢包」功能

香港用戶先喺Apple Store 或 Google Play 下載或更新至最新版本WeChat並啟用 「錢包」功能,將信用卡(MasterCard或 Visa)綁定 WeChat帳號,並設定6位數字密碼,就可以隨時開始派利是同將搶到嘅利是錢「袋袋平安」。

 

  1. 2.    開啟WeChat新訊息通知功能

既然係「搶利是」,當然要分秒必爭!記得開啟WeChat嘅新訊息通知功能,特別係群組嘅訊息通知,收到朋友「派利是」嘅通知時第一時間按入去即搶!

 

  1. 3.    收到利是,一按即「搶」!   

喺WeChat對話版面中,一睇到「WeChat利是」嘅訊息,即按「領取利是」!唔駛等到「年十五」,一搶即「拆利是」,就可以知道抽到幾多利是錢同自己嘅手氣如何啦。

朋友當然要禮尚往來,若果成功搶到「大利是」當然要將好運分俾親戚朋友。跟住以下幾個簡單步驟,同朋友開心SHARE好運,齊齊過肥年。

 

  1. 於朋友群組對話版面,按右下角嘅「+」號,選「利是」進入「派利是」版面

 

 

  1. 設定好總金額及利是數目後,按「塞錢入利是封」,系統即會隨機分配利是金額


 

 

  1. 準備好利是,即刻喺WeChat派俾群組內嘅好友,等佢哋試試手氣!

 

 

  1. 若你希望派俾指定朋友,亦可以同樣方法,喺朋友對話版面中,派發指定金額嘅利是

 

 

 

搶到嘅利是錢會自動存入用戶WeChat錢包,除咗可以轉帳至指定嘅銀行戶口,用戶仲可以選擇透過「錢包」功能喺WeChat輕鬆購物,安坐家中亦可開心用利是錢。

 

睇埋呢條短片學定幾招,唔使等年初一都可以開始派利是!

 

最新評論

翻譯本站

遊戲APK下載搜尋

訂閱YOUTUBE頻道

廣告贊助
手機版 | 聯絡我們
© GameApps.HK 香港手機遊戲網 2013-2018