GameApps.hk 香港手機遊戲網

直擊「香港競XP」開幕禮! 曼聯球星參戰!

2017-06-29 5120
Tags:
icon
今日舞音我收到主編的命令到黃埔新天地探訪「香港競XP」這個活動,一到左黃埔地鐵站C出口走上去黃埔新天地的路程中就已經睇到「香港競XP」既海報啦。


一到黃埔新天地的活動範圍已經迫到好難攝入去,舞音我都好難找到個位可以輕鬆少少睇到活動QAQ活動,而活動開頭請左隊舞團為今次活動暖暖身!


而今日既「香港競XP」開幕禮既嘉賓真係豪華到不得了首先有香港電競選手Aaron,Razer的CEO陳民亮先生,屈臣氏首席營運總監倪文玲小姐,網絡紅人達哥以及足球評述專家馬啟仁Keyman的皇帝隊。還有3HK的CEO胡超文先生,新加坡的電競選手Xian,台灣電競選手丁特,曼聯92的傑斯、史高斯、加利尼維利,菲臘尼維利同畢特的英雄隊。開場前就其實已經寫哂畫面上!


Aaron對觀眾《部落衝突:皇室戰爭》之戰!

舞團表演完就請左曼聯92既4位就坐之後就正式開始活動了!活動第一個環節係請到香港電競選手Aaron同3HK的CEO胡超文先生及一位觀眾上同玩《部落衝突:皇室戰爭》,邊個贏當然係Aaron贏啦!之後佢地完場就送下禮物同合照一下!





Xian街霸秒殺觀眾

完結左《部落衝突:皇室戰爭》環節就開始新加坡的電競選手Xian同Razer的CEO陳民亮先生及觀眾既組合去一齊玩《街霸》。Xian使用既角色係Cammy而另一邊就用Ibuki第一回合Xian很快解決對手,而第二回合交換角色Xian用Ibuki只係受左少少傷就解決左對手,簡直快過搭火箭,打完緊係一樣送禮物同合照。




丁特潘森大戰觀眾燼

根據前面環節大家都知道會即刻就入下個環節,而今個環節就係台灣電競選手丁特同屈臣氏首席營運總監倪文玲小姐名觀眾既組合玩LOL!係選擇英雄既時候旁述好仔細解釋LOL的玩法同英雄。而丁特選擇左潘森,觀眾選擇左燼。開場分幾兩分鍾丁特就好快拎左首殺,但因為場地全單中,所以冇得B返屋企,結果?丁特得返半條血比觀眾收左頭。成場LOL都好精彩,最後以3:4丁特打完塔勝利結束環節。



達哥 X Keyman對曼聯92

LOL環節之後就到達哥,Keyman加兩位觀眾對曼聯92既4位球員玩FIFA!達哥果隊就用巴賽,曼聯92就用曼聯!成場比賽巴賽方進攻十分激烈,而曼聯方既防守都好強勢,整場比賽基本上係曼聯既禁區範圍比賽,而進行巴賽成功入左球完場!輸既原因可能曼聯92冇返自己吧...





FIFA入球送大禮!

打完場波台上嘉賓大派簽名波衫同足球!派完曼聯92既幾位去換一換衫台上主持人就問下嘉賓既感想,不過,最有趣既係提到丁特開台唱歌,就開始叫下佢唱下歌,點知達哥中埋槍,而達哥就話丁特唱佢就唱,最後兩位合唱左下海闊天空。唱下唱下曼聯92既幾位就換好衫出黎一齊影張大合照!而開幕禮就完結散花!





而開幕禮之後舞台就嘉賓繼續上台,第1個就係達哥對Keyman既FIFA,第2個就係達哥同觀眾玩《街霸》,第3個丁特對觀眾既LOL,第4係Aaron同觀眾玩《部落衝突:皇室戰爭》,最後就係Xian同觀眾玩《街霸》。


除左今日之外,「香港競XP」會開到7月9日,有興趣既人可以去黃埔新天地睇睇。



Tags:


Advertisement

fb               youtube

Follow Us

  人氣#TAG

遊戲APK下載搜尋

手機版 | 聯絡我們
© GameApps.HK 香港手機遊戲網 2013-2024