為了提升服務質素，我們會使用Cookie或其他類似技術來改善使用者的閱讀體驗。如想了解更多請到這裡>。如果接受請點確認按鈕進入網站。
本週同大家介紹下 2018 年霸權之作《佐賀偶像是傳奇》，雖然呢套動畫無出色既作畫、豪華既聲優陣營，不過稱佢為霸權相信大家都唔會反對，而且動畫第一卷更獲得連續 168 小時成為日本 Amazon 榜首既成績。雖然有 Event 抽獎卷加乘，不過成績依然有目共睹。
《佐賀偶像是傳奇》明明只係小眾既偶像作品，點解會咁受歡迎？因為小編可以話，本作每一集都係傑作，首先採用非常創新既設定，以喪屍加偶像做故事背景(其實比起一般認知既喪屍更似西方既科學怪人)，再配合無厘頭、觀眾意想唔到既突發性展開，兩者一拍即合，每集都不停引爆觀眾笑點。
《佐賀偶像是傳奇》故事講述主角源櫻出發去偶像選拔會，不過一出門口就立即被車撞死。動畫開始都未夠 3 分鐘就就黎一個突發性展開。櫻再次甦醒，發現自己身處一間神秘大屋，而且更被奇怪既喪屍追，當櫻逃出大屋，因為大雨令自己化妝溶掉，更被路過嚇到既警察開槍打中胸口，櫻先知道自己已經成為不死之身既喪屍。
最後由神秘經紀人巽幸太郎要求 7 位各自死於非命而成為喪屍既少女，結成偶像組合「法蘭秀秀」(腐爛臭眾)，宣傳振興佐賀縣，7 位成員包括身份神秘既 0 號山田妙、夢想成為偶像既少女 1 號源櫻、二十世紀末暴走族隊長 2 號二階堂笑、平成年代人氣偶像組合中央位置 3 號水野愛、昭和年代實力派偶像 4 號紺野純子、明治時期花魁 5 號夕霧、近代天才童星 6 號星川莉莉。
因為以喪屍為題材，7 位角色各自係不同年代不同身世不同背景中過身，所以角色設定上非常豐富，各具個性、特色，令觀眾更易記得每一位角色。而且劇本構成由擅長搞笑與喜劇既村越繁擔任，充分發揮出本作突如其來既無厘頭展開。例如第 7 話中，眾人係舞台上當場被雷擊中，因為不死之身亳無損傷之餘，吸收電力可以發出電音聲線同手指射出雷射光舞台特效，呢一幕應該無人會想像得到。
除左每一集都極具爆點同神展開之外，本作亦有一貫偶像作品既要素，帶出團體中既合作性、團結性、要經過努力先會有結果、沒有一種努力係白費氣力等等勵志元素，就如水野愛既名言一樣。而且更探討到昭和年代與平成年代偶像方向既不同之處。更帶出一個重要訊息「偶像係帶比觀眾歡笑與希望既職業」。
《佐賀偶像是傳奇》既笑點同魅力相信要靠觀眾自行發掘，製作眾既心思、創意，大家要直接觀看本作先可以體驗得到，不過最想唔到既係製作組竟然係最後一話放一個極大既伏筆，直接向觀眾表示一定有第二季，一諗起無得每星期吸喪屍毒就按奈不住......好想快啲睇第二季！
如月冰
Gameapps.hk 小編，重度打機、動漫迷+聲優宅，較鐘意睇萌系、輕鬆、百合番，手機、電腦、PS4遊戲都有涉獵，主玩《FGO》、《少女前線》、《MLTD》、《公主連結R》。
─完─
人氣#TAG
