大家好，歡迎收睇如月冰的宅指揮部，我係 Gameapps.hk 小編之一既如月冰。身為聲優廚既我一直有留意下聲優動態，最近發生左兩件事真係令我好感慨，當然有喜亦有悲。先講下喜，就係今日《刀劍神域》亞絲娜既聲優戶松遙突然宣佈結婚，恭喜晒！而悲就係《偶像大師 ML》白石紬聲優南早紀(炸雞)尋日突然刪除 Twitter 帳號，懷疑係被其他聲優既惡質 FANS 搔擾，不過原因未明都係唔好作太多猜測，希望佢無咩事啦。