GameApps Logo

同人類、精靈、矮人搶戒指!中世紀風MMORPG手機新作《創世破曉》代理權確定!

2016-09-02 2603
G妹遊戲今(02)日宣佈取得《MU:大天使之劍》研發商最新研發、中世紀風MMORPG手機遊戲《創世破曉》嘅台港澳代理權。係呢部作品入面,玩家將係秩序瀕臨奔潰嘅舊大陸上,同人類、精靈、矮人等多個種族,搶奪27枚神秘戒指,並藉助戒指中嘅力量,終結舊世界,創造新紀元!為咗優化香港地區玩家嘅遊戲體驗,《創世破曉》除咗設計成套港味十足嘅粵語問答活動外,仲請嚟無線藝員、hello kitty嘅配音詹建兒為遊戲獻聲!

舊世界崩塌,新秩序建立!《創世破曉》將於9月底創造新紀元


光之紀元1000年,人類、精靈同矮人等各大種族之間嘅矛盾,已經到咗不可調和嘅地步。種族領域上嘅爭奪、自以為是嘅種族貴賤意識,加埋歷史戰爭遺留落嚟嘅仇口,都時刻挑釁緊各種族之間緊繃嘅關係。然而加速舊大陸走向滅亡嘅,實際上係心術不正者私下同魔鬼嘅交易。呢D獲得邪惡力量嘅人類、種族和矮人,打破咗之前夾硬維持嘅平靜。



各種族擁有自己嘅種族領域,但並唔係固定不變,每次打仗,都有種族被迫離開自己嘅領地,種族間嘅恩怨因此越積越厚。


《創世破曉》部分建築美術設計原稿,每個種族都有自己特有嘅領地建築風格


被毒殺嘅年邁國王,村民一夜之間冚唪唥唔見嗮嘅人類村莊;囚禁係地下室中日夜打造裝備嘅矮人;係各種族領域交界處無啦啦出現嘅大批黑暗精靈——不斷湧現嘅邪惡事件,令每個種族都聞到咗末日嘅氣息,但長久以來嘅唔信任,又令佢地互相猜疑。呢陣時,沉寂已久嘅「神戒預言」,重新被諗起,當舊世界一獲泡嘅時候,神戒嘅力量就會甦醒,邊個可以集齊散落係各種族手中嘅神奇戒指,邊個就可以揸fit建立新秩序!係《創世破曉》,玩家將成為一名尋戒冒險者,踏上收集戒指、建立新世界嘅旅程,而目前已被知曉嘅27枚神戒,絕大部分掌握係人類、精靈同矮人三大種族手中。


人類之戒中嘅「信念之戒」,在拯救半獸人發現其蹤跡,該戒指蘊藏「專注光環」,戴咗呢枚戒指嘅人,可鼓舞隊友,令全隊攻擊翻倍


人類之戒中嘅「徹骨之戒」,偵查黑魔法事件時發現其蹤跡,該戒指蘊藏「致命穿透」,寶石中射出嘅光芒可穿透敵人身體


官方表示:「在本作中,戒指並唔係一件普通嘅裝備,而係真真正正代表住玩家嘅力量。目前已出現係遊戲世界中嘅27枚戒指,都代表唔同嘅能力。大部分人類之戒住住邪惡嘅戒魔,打敗戒魔先可以俾戒指認主,而矮人之戒、精靈之戒亦有唔一樣嘅認主方式。已認主嘅神戒為玩家所控制,玩家可以係有限嘅戒指位度,搭配出多種神戒技組合,戒指嘅佩帶順序,亦將改變組合技嘅最終輸出效果。」


玩家攞到嘅第一枚人類之戒「天神之戒」,固定佩戴,無得除低,係限定時間內可變身天神,並釋放三種超強技能掃平所有敵人


大部分人類之戒中住咗邪惡嘅戒魔,佢地都生得唔同樣,能力亦各有千秋。只有擊敗戒魔,玩家先戴得到隻戒指



《創世破曉》城主夫人設計原畫,玩家將係旅途中邂逅呢位影響劇情嘅貴婦


係找尋戒指嘅途中,玩家將行勻精靈、矮人、地精、半獸人、獨眼巨人等眾多種族嘅住地及活躍城鎮,領略中世紀寫實美術風格打造嘅魔幻世界。與此同時,《創世破曉》擁有嘅諸多特色系統,令冒險旅途更加自由豐富,更加自由豐富,除咗裝備只有刷怪先攞到、商城冇得賣嘅「自由裝備體系」、支持物品自由交易嘅「買賣市場」、就算息咗電話都可以掛機刷怪交任務嘅「真離線掛機」、全地圖分佈且24個鐘頭都唔使唞嘅「世界BOSS」等特色設定外,仲有「地精巢穴」、「魔能廢墟」等通關方式各不相同嘅挑戰副本,等待創世主破曉一戰!



   

《創世破曉》遊戲場景實機錄製 領略中世紀魔幻世界


舊世界冧檔,新秩序建立!G妹遊戲《創世破曉》將於9月底開啟尋戒之旅,創造全新紀元!感興趣嘅玩家可前往官方粉絲團,了解更多遊戲情報。


更多遊戲詳情,可至以下官方管道了解:

G妹遊戲《創世破曉》官方臉書:https://facebook.com/gm99.ringhk



最新評論

翻譯本站

遊戲APK下載搜尋

訂閱YOUTUBE頻道

廣告贊助
手機版 | 聯絡我們
© GameApps.HK 香港手機遊戲網 2013-2018