GameApps Logo

8萬億歐元係咩概念!? 《CMM》BIG DATA大公開!

2018-03-21 6002
學阿叔話齋「波係圓嘅!」,球場上咩都有可能發生,但大家玩咗《CMM》都已經一段日子,你地又記唔記得、知唔知道球場上發生過咩事呢?邊個位置邊個球員使用率最高?到現時為止大家創造咗幾多個入球?甚至「演員」使用次數你又想唔想知?今日就等我地用數據講說話,話俾大家知到底球場上發生過咩事啦!

賽事次數:

各位領隊花咁多心機砌靚隊波,梗係要參加唔同賽事務求名利雙收啦!咁截至目前為止大家又踢過幾多場波呢?等我話俾大家知!喺大家咁努力互片之下,生涯場次一共達到5,112,279場,天梯對戰751,677次,聯賽886,632次,場次總數高達6,750,588場!平均每一日就有225,020場球賽進行,睇嚟各位領隊都無乜點偷懶喎!

總入球數:

一腳省埋去,結果就得一個,一係入一係唔入!究竟大家又為賽事送入幾多個入球呢?根據官方資料,大家比賽時嘅射球次數為34,947,392次,當中有22,366,331個入球,入球命中率高達64%之多,我真係要喺度講聲:各位領隊係好波嘅!

最佳神射手、入球數:

唔理你點入波,入到龍門就係靚波,不論對戰玩家定打電腦都好,截至統計時間為止大家總入球數字為22,366,331球,平均每場大家就射入3.3球!勁到咁真係龍門都俾你地射穿!而究竟邊個咁巴閉成為眾多球員之中嘅神射手呢?相信大家心中都已經有答覆啦,即刻就為大家公佈最佳神射手TOP 3,分別係第一位「C朗拿度」共5,815,246球、第二位「尼馬」共2,907,623球、第三位「伊巴謙莫域」共2,460,296球。單單以上三人就包辦總入球數近半成,都咪話唔勁!

最佳龍門、撲救數:

講完神射手,又點可以唔提埋龍門呢?好嘅龍門唔單止可以為球隊力保不失,更可以為球隊打開勝利之門,絕對係不可或缺嘅一員!根據官方數字到現時為止龍門撲救數高達5,032,424次,救球率達14.4%,而邊個龍門最勁揪?以下3位最佳龍門相信大家都見識過佢地嘅能力,分別是第一位「保方」共撲救2,868,482球,第二位「洛里斯」共撲救905,836球,第三位「K.舒米高」共撲救603,891球,單單「保方」一人就已經佔救球數中的57%,再加上入手容易、能力強、性價比極高,最強鋼龍真係實至名歸!

各位置使用率最高11人(4-3-3):

講完最佳神射手同龍門,我地又嚟睇睇各位置最高使用率嘅球員!首先係前鋒「伊巴謙莫域」使用率達90%,左翼「C朗拿度」使用率達88%,右翼「尼馬」使用率達78%,進攻中場「伊斯高」使用率達72%,中場中「蒙杜利禾」使用率達77%,防守中場「基迪拉」使用率達76%,左後衛「迪奧靴南迪斯」使用率達73%,右後衛「拿祖」使用率達70%,中後衛「沙治奧拉莫斯」使用率達78%,中後衛「華拉尼」使用率達75%,龍門「 保方」使用率達93%,以上陣容大家又認唔認同呢?

球場大小事:

睇完球員數據之後,我地又嚟睇睇球場上發生嘅各種趣事!球場上戰局每分每秒千變萬化,而技能絕對起到最關鍵影響,首先就係出現次數最多嘅技能,毫無疑問係可以大大提高起腳機率嘅「FOX IN THE BOX」,使用次數最高嘅球員分別有「C朗拿度」、「利雲度夫斯基」、「賓斯馬」等等球員。然後再嚟就係技能「演員」使用次數,至今一共出現高達3,251,927次,平均每場就有2次「演員」出現,而咁好戲嘅球員分別有「尼馬」、「法比加斯」、「蘇亞雷斯」等等,而球場上出現嘅犯規次數一共6,013,416次,「演員」就佔咗當中54%,真係不得不佩服佢地嘅神級演技!再來就係最高使用陣式,撇除新手陣式「平衡4-4-2」後,「邊鋒4-3-3」亦都係最常用陣式之一! 

最後,我地又留意吓球場以外發生緊咩事!遊戲產出歐元一共8,077,715,856,132元(8萬多億歐元),足夠大家買3萬億個SS級球員!而轉會市場購買次數高達337,991次,至今體力消耗共233,048,127點,球員覺醒共151,524次,突破達1,200,068次,由此可見各位領隊真係對《CMM》作出咗唔少貢獻呀!

今次《CMM》BIG DATA就同大家分享到咁多,未來官方仲會為大家搜羅更多遊戲資訊,各位領隊記得繼續留意啦!

《CMM》全港領隊討論群:https://www.facebook.com/groups/907449042747511/

《CMM》Facebook專頁:https://www.facebook.com/CMM.efunhk/


廣告贊助
最新評論

每週著數優惠區

廣告贊助

翻譯本站

遊戲APK下載搜尋

訂閱YOUTUBE頻道

廣告贊助
手機版 | 聯絡我們
© GameApps.HK 香港手機遊戲網 2013-2018