為了提升服務質素,我們會使用Cookie或其他類似技術來改善使用者的閱讀體驗。如想了解更多請到這裡>。如果接受請點確認按鈕進入網站。
小編只係輕量肝左60幾箱
機械龍娘復刻,可以拎埋另一隻
宅姬復刻抽抽抽
今個星期後追番一套完結左既動畫,小編身為百合控雖然無即時追,但當然唔會錯過。今次介紹係動畫《citrus ~柑橘味香氣~》,本作係由日本女性漫畫家三郎太原作既百合漫畫,講述一對義理姊妹展開禁忌之戀。
《citrus ~柑橘味香氣~》係比較認真向既百合戀愛作品,主角「藍原柚子」因母親再婚,搬到新社區居住,更因此轉入新學校,不過入學第一日就因違反校規與學生會會長「藍原芽衣」發生衝突,回到家中發現竟然因為母親再婚,藍原芽衣成為左自己義理上既妹妹。
起初兩人因為初代見面就發生衝突,所以關係並不好,未談過戀愛,對潮流形象有所追求既辣妹柚子,非常嚴謹認真、對學生會工作有所執著,而且祖父係學園理事長既芽衣可以話係兩個唔同世界既人,突然要成為同房姊妹當然產生磨擦。
不過很關心他人既柚子與芽衣相處一段時間後,發現平時不太表露情感既芽衣其實內心寂寞孤獨,因為自小所尊敬既爸爸離開自己而去,長時間缺乏家人既愛而封閉自己內心。柚子看見芽衣情況,決定介入令芽衣敞開自己內心。
不過柚子係觀察與幫助芽衣漸漸發現佢既魅力,更因一次惡作劇既調戲被芽衣強吻而開啟禁忌之門,對芽衣產生強烈憧憬與愛慕,更開始單戀這位義妹,順利由直變彎,可喜可賀!
整套動畫糖份好高,亦不忘加點鹽份睇到人面紅心跳,柚子同芽衣成日一言不合就 Kiss,睇到百合控既小編大滿足,不過亦不乏各種多角戀劇情,學生會副會長兼芽衣青梅竹馬既姬子、柚子小時候經常一齊玩如同妹妹一樣既茉莉等等,不同情敵殺入干擾兩人關係,心唸你兩位究竟幾時先修成正果。
最後幾話明明準備開花結果,卻因為柚子既猶疑拒絕左芽衣,雙方關係再次跌至冰點,一個超展開睇到小編好心急一次過追到尾,經驗各種事最後呢對姊妹終於都可以一吻定情,展開超尋常關係(拍手。
如月冰
Gameapps.hk 小編,重度打機、動漫迷+聲優宅,較鐘意睇萌系、輕鬆、百合番,手機、電腦、PS4遊戲都有涉獵,主玩《FGO》、《少女前線》、《MLTD》、《公主連結R》。