如月冰的宅指揮部第三回：天佑日本 多災多難的作品

講起災難好多人都會唸起以災難為主題既遊戲《絕體絕命都市》，《絕體絕命都市》以都市發生災難過後既逃生故事為遊戲背景，玩家操縱遊戲主角係經歷地震、水災等大型天災後既城市中尋找逃生方法，遊戲除左充滿災難既臨場緊張感外，其實仲教授玩家好多防災同係災難中生存既求生知識。

對上一集《絕體絕命都市 3：步向毀壞的城市與少女之歌》已經係 2009 年推出既 PSP 遊戲，最新一集《絕體絕命都市 4》原定係 2011 年推出既 PS3 遊戲，不過大家都知道 2011 年發生 311 大地震，造成重大人命傷亡同經濟損失，相信係為免令國民再次聯想到呢次慘痛經歷，《絕體絕命都市 4》同年宣佈停止發售。

《絕體絕命都市》系列之後多年都無消息，直到 2014 年製作人九條一馬宣佈買回遊戲版權，而且原本《絕體絕命都市》既製作團隊亦係佢新成立既公司 Granzella 當中，玩家期待既《絕體絕命都市》系列終於重返軌道。最新一集改名為《絕體絕命都市4 Plus -夏日回憶-》，預計於今年 2018年10月25日發售。都唔知係咪呢個 IP 受左咀咒，離遊戲發售仲有一個月左右，日本再次經歷嚴重天災，相信好多粉絲都關心本作可唔可以如期推出，不過相信喜歡日本既大家更希望日本可以盡快渡過難關，天佑日本。

在 Google 上關注我們 加入我們