GameApps Logo

如月冰的宅指揮部第八回:Re:0 電影版觀後感 劇透注意

2018-10-12 1862
每星期一次既如月冰宅指揮部又黎啦!大家好,我係 Gameapp.hk 既小編如月冰。小編我今個星期請左兩日假去遠征,飛左個兩日兩夜東京遊睇 live(因為第一晚落機就訓機場,所以兩日兩夜無誤),今次睇聲優今井麻美係東京惠比壽開既演唱會。

Live會場惠比壽Garden Hall

Re:0 電影版《Re:從零開始的異世界生活 Memory Snow》係 10月6日正式上映,今次旅程咁岩撞正上映日期,小編就去左上野先行睇左呢套電影版,應該唔少人都知道係日本戲院睇動畫電影版都會有入場特典,甚至有人會為特典睇好幾次,而今次《Re:從零開始的異世界生活 Memory Snow》上映第一週特典係原作者長月達平寫既小說《Re:從零開始的異世界生活 Another Memory Snow》。

入場特典《Re:從零開始的異世界生活 Another Memory Snow》小說

小說有五章,合共96頁

以下劇透注意

我就簡單講一講內容,《Re:從零開始的異世界生活 Memory Snow》為片長約一小時既 OVA 電影,係輕鬆向 OVA 外傳作品,同電視動畫版既劇情無直接關係,故事發生係電視動畫版昴打倒詛咒元凶既魔獸,阻止蕾姆死亡之後,係羅茲瓦爾宅邸享受短暫和平生活既時間。

作為輕鬆向 OVA 作品,《Re:從零開始的異世界生活 Memory Snow》當然無本編動畫沉重既死輪迴劇情,故事講述本來昴約去與愛蜜莉雅約會,而到昴非常期待既約會當日,羅茲瓦爾宅內氣溫異常下降,愛蜜莉雅亦向昴表示希望約會改期。之後幾日羅茲瓦爾宅內溫度異常得幾乎令昴凍死,昴決定找出原因。

原來一切都與帕克既魔力有關,因為帕克魔力過度積聚需要途徑散發,呢個現象被稱為「發魔期」,不過帕克魔力過於強大,要完全散發需要一段時間。昴本來想到宅外暫避,但羅茲瓦爾與拉姆等人並不同意,而且宅外正值下雨季節。

昴就想出一條妙計解決今次困境,將帕克魔力向天上放射,冰凍冷氣加上雨水,變成一場美麗既雪景,為左不浪費呢場雪,昴就邀請村內一眾村民享受一年一度既「雪祭」!

《Re:從零開始的異世界生活 Memory Snow》劇情的確非常簡單,甚至有人覺得沉悶,不過我覺得以一小時粉絲向 OVA 黎講,本人就睇得相當滿意,片中可以見到雷姆、拉姆、碧翠絲一眾角色係電視版見唔到既一面,而且愛蜜莉雅既可愛有趣鏡頭亦相當多,睇到魔女教徒想一邊睇一邊叫 \E.M.T/ 。雖然同故事本編無任何關係,不過絕對係值得一睇之作。

果然雷姆派較多,不過小編係EMT派


如月冰

Gameapps.hk 小編,重度打機、動漫迷+聲優宅,較鐘意睇萌系、輕鬆、百合番,手機、電腦、PS4遊戲都有涉獵,主玩《FGO》、《少女前線》、《MLTD》、《公主連結R》。

最新評論

翻譯本站

遊戲APK下載搜尋

訂閱YOUTUBE頻道

廣告贊助
手機版 | 聯絡我們
© GameApps.HK 香港手機遊戲網 2013-2018