如月冰的宅指揮部第十五回：比錢買隻回憶作品

千早 X 春香真係絕配(๑´ㅁ`)

今日同大家分享下一隻醫院經營遊戲《Two Point Hospital》，唔知大家以前有無玩過《杏林也瘋狂》，《杏林也瘋狂》係 1997 年推出既醫院經營遊戲，遊戲中各種有趣病症加上搞笑治療方法，例如大頭症要將頭整爆再吹番漲等等，令遊戲非常紅，《杏林也瘋狂》只係賣 $ 39，如果玩家有興趣不訪到 EA 官網買黎試下。 

而《Two Point Hospital》就正正係《杏林也瘋狂》續作，由原班人馬製作，相隔 21 年終於有新作，作為老玩家的確幾感動，畫面上大幅進化，不過依然採用卡通搞笑風格，系統上亦改善左唔少。今集光頭症等等奇怪病症都非常特別有趣，遊戲風格完美保留當年感動。

不過另一方面，《Two Point Hospital》作為《杏林也瘋狂》續作，新元素實在太少，除左將畫面、病症、系統等等翻新之外，與《杏林也瘋狂》無太大分別。對玩過《杏林也瘋狂》既粉絲黎講的確相當感動，小編亦覺得收貨，不過如果對純粹鐘意玩經營遊戲既玩家黎講，本作可能顯得欠缺挑戰性，遊戲重覆性亦太高，唔算太吸引，《Two Point Hospital》可以話真係比錢買回憶既作品。

如月冰

Gameapps.hk 小編，重度打機、動漫迷+聲優宅，較鐘意睇萌系、輕鬆、百合番，手機、電腦、PS4遊戲都有涉獵，主玩《FGO》、《少女前線》、《MLTD》、《公主連結R》。

─完─