如月冰的宅指揮部第二十四回：相當高質慢熱的百合動畫《終將成為你》

小編既千早壇

順帶一提，今日除左係婦女節、DMC 5 發售日之外，仲係「Wake Up, Girls！」組合既最後一場演出，今日既 Live 完結之後，「Wake Up, Girls！」就會正式解散，祝各位成員有良好前程。

今日介紹一下上年 10 月播放既秋季動畫《終將成為妳》，《終將成為妳》相信無留意百合動畫既觀眾都會聽過一下呢部作品，本作甚至擊敗多部作品，被 Niconico 選為 2018 年最佳動畫第十名。

《終將成為妳》故事講述女主角 小糸侑 雖然憧憬少女漫畫既愛情故事，但自己從未試過有戀愛既感覺，被頗有好感既男同學告白亦不為所動。直至升上高中，從不接受其他人告白既學姐 七海燈子 竟然向侑告白，扭曲既愛情關係就此展開。

扭曲既愛情唔係指女生同女生既百合關係，而係燈子學姐單向喜歡侑，而侑卻無喜歡學姐既感覺，而且學姐亦不求侑喜歡自己，呢種複雜既關係於百合或戀愛漫畫並不常見。而且本作出色在於人物內心描寫，作品風格亦比較細膩慢熱，唔似《citrus》果種每集既戀愛攻防戰，亦唔係《櫻Trick》既相親相愛每集親熱。

對燈子學姐喜歡自己既侑一直以不關心、無所謂既態度面對，但與學姐相處得多，發現學姐並唔係別人眼中般完美既人，燈子係侑面對會經常流露出唔同既一面。漸漸發現其實燈子因為姐姐死後，不想令其他人失望，模仿完美既姐姐，而努力做出完美一面獲得別人認同。

而侑就成為燈子表露真正自己、向其撒嬌既存在。侑發現之後不能再對學姐坐視不理，希望解開學姐心結之餘，慢慢開始對學姐抱有好感，可惜燈子並不希望侑喜歡自己而改變現狀，亦對扮演完美一面非常固執。

雖然動畫尾段燈子最終知道姐姐除左完美之外亦有不同一相，令燈子開始走出被過去束縛既心理陰霾，重新審視自己既人生。不過燈子與侑既複雜關係依然未有重大進展。動畫版結局亦有相當多後續伏線，始終漫畫版有相當多劇情未講，難怪《終將成為妳》可以成為少數榜上有名既戀愛向作品，相信包括小編在內相當多觀眾在意後面劇情，希望本作可以盡快有第二季！

如月冰

Gameapps.hk 小編，重度打機、動漫迷+聲優宅，較鐘意睇萌系、輕鬆、百合番，手機、電腦、PS4遊戲都有涉獵，主玩《FGO》、《少女前線》、《MLTD》、《公主連結R》。

─完─

在 Google 上關注我們 加入我們