GameApps.hk 香港手機遊戲網

如月冰的宅指揮部第二十四回:相當高質慢熱的百合動畫《終將成為你》

2019-03-08 4473
大家好!又黎到我如月冰既宅指揮部啦,上星期 2 月 25 日係《偶像大師》之中,小編我最鐘意既角色 如月千早 生日,小編開左個壇慶祝 www,大家可能都注意到,小編既筆名都係以佢黎命名,先前都寫過小編係因為動畫版《偶像大師》而入坑,更因為千早故事既感動而令我最在意佢,動畫中「約束」一曲都成為小編最愛歌曲之一。

小編既千早壇

順帶一提,今日除左係婦女節、DMC 5 發售日之外,仲係「Wake Up, Girls!」組合既最後一場演出,今日既 Live 完結之後,「Wake Up, Girls!」就會正式解散,祝各位成員有良好前程。

今日介紹一下上年 10 月播放既秋季動畫《終將成為妳》,《終將成為妳》相信無留意百合動畫既觀眾都會聽過一下呢部作品,本作甚至擊敗多部作品,被 Niconico 選為 2018 年最佳動畫第十名。

《終將成為妳》故事講述女主角 小糸侑 雖然憧憬少女漫畫既愛情故事,但自己從未試過有戀愛既感覺,被頗有好感既男同學告白亦不為所動。直至升上高中,從不接受其他人告白既學姐 七海燈子 竟然向侑告白,扭曲既愛情關係就此展開。

扭曲既愛情唔係指女生同女生既百合關係,而係燈子學姐單向喜歡侑,而侑卻無喜歡學姐既感覺,而且學姐亦不求侑喜歡自己,呢種複雜既關係於百合或戀愛漫畫並不常見。而且本作出色在於人物內心描寫,作品風格亦比較細膩慢熱,唔似《citrus》果種每集既戀愛攻防戰,亦唔係《櫻Trick》既相親相愛每集親熱。

對燈子學姐喜歡自己既侑一直以不關心、無所謂既態度面對,但與學姐相處得多,發現學姐並唔係別人眼中般完美既人,燈子係侑面對會經常流露出唔同既一面。漸漸發現其實燈子因為姐姐死後,不想令其他人失望,模仿完美既姐姐,而努力做出完美一面獲得別人認同。

而侑就成為燈子表露真正自己、向其撒嬌既存在。侑發現之後不能再對學姐坐視不理,希望解開學姐心結之餘,慢慢開始對學姐抱有好感,可惜燈子並不希望侑喜歡自己而改變現狀,亦對扮演完美一面非常固執。

雖然動畫尾段燈子最終知道姐姐除左完美之外亦有不同一相,令燈子開始走出被過去束縛既心理陰霾,重新審視自己既人生。不過燈子與侑既複雜關係依然未有重大進展。動畫版結局亦有相當多後續伏線,始終漫畫版有相當多劇情未講,難怪《終將成為妳》可以成為少數榜上有名既戀愛向作品,相信包括小編在內相當多觀眾在意後面劇情,希望本作可以盡快有第二季!

如月冰

Gameapps.hk 小編,重度打機、動漫迷+聲優宅,較鐘意睇萌系、輕鬆、百合番,手機、電腦、PS4遊戲都有涉獵,主玩《FGO》、《少女前線》、《MLTD》、《公主連結R》。

─完─

最速人氣手機遊戲消息、更新情報、精選Cosplay !
我們專頁等你一個讚!.
廣告贊助
廣告贊助
最新評論
廣告贊助

遊戲APK下載搜尋

手機版 | 聯絡我們
© GameApps.HK 香港手機遊戲網 2013-2021