《Puzzle&Dragons》攻略第十回！

ECO再度強勢回歸！

勇闖天國之路

呢個地下城要過天國唔難，以暗隊嚟講，主要以虹番推血配上隊友路法西就有穩定血量，再加埋自己有暗主角龍或者其他暗加倍技，就可以組成一隊2萬血以上嘅222（2倍攻血回）或224(2倍攻血4倍回)隊，打天國嗰時注意返中BOSS半血後嘅攻擊力提升（都會打萬幾一嘢但唔係個個回合打），而最後BOSS一入場一定要放虹番技，因為尾王第一回合一定係封5隻1-3回合，再加上每個回合都打6千，有減半就安全好多，之後磨到半血（BOSS大概得120萬血），路西法一炮收工。

ECO地下城效益

唔少人都想靠呢個地下城升維納斯同洛基招主動技，前者打天國都好高機率出，後者要打暗熊真係可遇不可求，以小弟親身經歷各位都係唔好抱有洛基滿技嘅希望啦（返而光、木同火可以打COC小怪升技，好大機會滿到技），另外喺地下城入面嘅5種小怪都各有特色（全部係進化之後都變成萌妹？！），可以用嚟升技之餘，自身嘅能力值都唔差，木火隊可以多隻轉心，光暗隊可以有更高嘅爆發力（就係水隊悲劇了），對無乜神嘅玩家都算係恩物！

打晒一大堆怪等進化

中BOSS都唔好睇少，打人都幾痛....

出咗兩次ECO希望人人有熊仔啦！

在 Google 上關注我們 加入我們