GameApps.hk 香港手機遊戲網

張建聲聞「舅父」登台被打震驚!吳志雄澄清:埋到身俾我打死咗!

2015-05-26 3907
「大佬B」吳志雄昨日傳出在溫州登台被打,其實大佬B一直都想出席過去周日(24日)舉行的《壹獄壹世界‧高登闊少踎監日記》香港首映,但他因早已簽了內地登台合約,所以未能為參演電影撐場,但沒想到他日前於溫州演出時遇上醉漢生事,事後還要搞上派出所。

 

不過,大佬B今日就向大家報平安,澄清絕對冇事:「我都會被人打到?唔係呀?我健步如飛,泰拳幾十年,打到我都真係好有料啦!但係佢乜都打唔到,如果真係埋到我身,俾我打死咗啦!」昨晚在港的大佬B擦完大魚大肉後,今午又去嘆茶,全然不受傳言影響心情。

 

網上流傳兩條大佬B視頻,一條是他登台被擾掟咪,另一條是他在派出所講述情況,大佬B解釋當晚情況:「其實係fans熱情,我唱緊歌,跟住俾班人拉落去陪酒,我唱歌演出唔係陪酒,一班人衝上台係都拉要我飲,我掟埋咪囉,你想點樣呀?嗰啲地方你哋未見過,農村搭個棚就係酒吧,一大堆人喺度玩,係咁飲係咁飲,見到偶像出場就好興奮好激動,呢個係風氣,如果真係睇演唱唔會帶埋啤酒啦,佢唔係有心打我,係舉手有個動作,冇事,一啲都揩唔到我。」

 

至於派出所那條視頻,「大佬B」直認片中人是他,他亦確實有講過片中一番話,他笑說:「係我,(國語)『我們是香港的大演員,是吧?你們是當地的小混混,來打個明星,是不是打到個明星,你們的名字就響呢?』嗰個人捉咗去派出所啦,警察叫我認人,係佢,佢醉咗,但佢冇打到我,佢老婆同女同我道歉,咁我唔追究啦,希望第日飲少啲酒啦。」

 

大佬B在《壹獄》中飾演張建聲(Justin)舅父,Justin驚聞「舅父」被襲即刻嘩嘩聲:「邊個夠膽打大佬B?咁我都相信佢喺國內登台有時難免去啲比較複雜地方,會有危險性,但正如大佬B都澄清一切安好,可能係少少誤會,希望大佬B日後喺地內都小心啲,忍一時風平浪靜,退一步海闊天空。」

最速人氣手機遊戲消息、更新情報、精選Cosplay !
我們專頁等你一個讚!.
廣告贊助
廣告贊助
最新評論

遊戲APK下載搜尋

手機版 | 聯絡我們
© GameApps.HK 香港手機遊戲網 2013-2021