如月冰的宅指揮部第二十二回：宅宅東京水樹奈奈live遊記

小編星期四一收工就趕入機場坐「戰鬥機」過東京，相信唔少人為左節省一晚酒店都做過相同既事，落機已經係當地凌晨 5 點，小編就係機場休息一陣就坐車出東京。

下午食左一個《少女前線》同 Go! Go! 咖哩既連動咖哩飯，其實相當唔底食，只係脆皮腸、炸蝦、加隻太陽蛋就要 1,200 日元，仲貴過炸豬扒咖哩飯，真係只為左個連動 File。

之後去左秋葉原壽屋，果度正正開緊《魔物獵人 世界》既小型展覽，除左有遊戲原畫，仲有第身大獵人同場景模型！嚮導兔同麻痺青蛙好可愛，仲有等身大既燒肉架。門口外面仲有受付娘既衣服展出。

果幾日正正係《Fate/stay night Heaven's Feel》第二章上映期，所以周圍都有唔少宣傳同連動週邊，小編雖然無睇電影，不過就令左《FGO》既連動禮裝，仲岩岩好上映第一週與第二週期間，有幸拎晒兩張！

到左演唱會現場埼玉超級體育館，今場有 16000 名觀眾，所以現場真係非常多人，雖然日本正值冬天，而且埼玉地區比東京大風同凍，不過只有 6 度既會場感覺都比香港既 10度溫暖。

雖然係管弦樂演唱會，不過依舊保持水樹奈奈既燃曲風格，兩日都唱左多首燃曲，而且仲唱左小編其中一首最愛既歌「ラストシーン」，真係滿足了。最後同一大班香港既奈奈迷朋友食飯，就坐戰鬥機留香港繼續做社畜。

如月冰

Gameapps.hk 小編，重度打機、動漫迷+聲優宅，較鐘意睇萌系、輕鬆、百合番，手機、電腦、PS4遊戲都有涉獵，主玩《FGO》、《少女前線》、《MLTD》、《公主連結R》。

─完─

在 Google 上關注我們 加入我們