【宵禁一周】宗堯張建聲防疫有招　hmvod 出7片fb免費睇

張建聲自困屋企做gym減肥
hmvod和你睇，在「宵禁」期間史無前例連續 7 日夜晚在官方fb  ( link：shorturl.at/gpO17 ) 播放 7 部不同的本土電影，包括昨晚已播出由張建聲 ( Justin )、何珮瑜和松岡李那主演的懸疑片《作家的謊言：筆忠誘罪》，今晚則播張建聲和王宗堯的《一路向西》，之後緊接推出的電影依次序為《小男人週記3之吾家有喜》、《壹獄壹世界：高登闊少踎監日記》、《西謊極落：太爆太子太空艙》、《猛龍特囧》及《棟篤特工》加長版 ( 詳見列表 )。

連續一周入黑冇娛樂、不能外出食飯又實施限聚令，Justin直言這個禮拜對他好大打擊，「呢幾晚宵禁對我影響都大，因為工作要押後同改期，gym room又封晒，對於落緊磅嘅我係嚴重打擊，因為我極度需要帶氧運動，跑步、打泰拳全部唔做得，唯有喺屋企食少啲嘢、做少量運動，始終喺屋企做同喺出面做就爭好遠，同埋冇得出街啦，但為已為人，唔好出街、帶口罩、唔好去人多地方，希望疫情快啲過，上 hmvod 睇吓戲啦。」

王宗堯：避免同「藍」人踢波
宗堯則指，大家一定要做好防疫，因為可能在七日之後仍未脫離疫情「危險期」，「嚟緊大家要有心理準備唔會淨係呢七日，我覺得上次以政府做嘢嘅速度同應變得咁慢，將防疫擺到咁低嘅話，佢哋嘅應變措施一定唔會係咁即時，亦都唔會果斷，所以大家有定心理準備接下嚟嗰個月會好危險，香港人繼續做好自己嘅嘢，自己做好防疫措施，要洗手要帶口罩，返屋企同食嘢前要做好清潔，有唔舒服記得要睇醫生。」此外，宗堯又提醒大家去踢波時都要小心：「盡量避免同一啲比較藍嘅人接觸啦，因為佢哋不嬲比較高危，踢波可以避免就盡量避免同佢哋踢啦。」

【hmvod 7 天抗疫電影免費睇】
15/7 《作家的謊言：筆忠誘罪》
         主演：張建聲、何珮瑜、松岡李那
16/7 《一路向西》
         主演：張建聲、王宗堯
17/7 《小男人週記3之吾家有喜》
         主演：鄭丹瑞、鄧月平、周秀娜
18/7 《壹獄壹世界：高登闊少踎監日記》
         主演：王宗堯、張建聲
19/7 《西謊極落：太爆太子太空艙》
         主演：周柏豪、張繼聰、林敏驄、BabyJohn
20/7 《猛龍特囧》
         主演：鄭中基、胡耀輝、雨僑
21/7 《棟篤特工》加長版
         主演：黃子華、佘詩曼、C君

在 Google 上關注我們 加入我們