如月冰的宅指揮部第二十回：外掛級史萊姆誕生

中村先生「繪里子」米酒

恐怖大肥豬

《FGO》新年福袋中左寶2術師匠

祝大家新年大吉

上年秋番有唔少佳作動畫，其中《關於我轉生變成史萊姆這檔事》亦相當唔錯，以轉生、異世界、冒險為題材雖然並唔新奇，不過呢類題材相當受歡迎，相信唔少人都有睇。

《關於我轉生變成史萊姆這檔事》故事講述一個三十七歲普通上班族三上悟，有一日為保護後輩與其女友，被突然出現既隨機殺人魔刺殺身亡。而當佢再甦醒，發現自己身處一個洞穴，而且更轉生成為低等怪物史萊姆！

雖然主角轉生變成低等怪物史萊姆，不過轉生期間獲得各種外掛級技能，所以其實動畫主要睇主角一直開外掛屈機。可以經捕食敵人而獲得其能力既「捕食者」、自帶人工智能教學 AI 既「大賢者」，兩個外掛技能令主角橫行異世界。

本作開頭劇情比較平傭，講唔上傑出，不過因為史萊姆呢個題材比較創新，所以依然吸引唔少觀眾繼續追，而且風格比較上歡樂和平，感覺上輕輕鬆鬆又睇完一集，中段主角成為哥布林村領袖，改名後進化既哥布林、加上牙狼族、矮人工匠等等角色加入，人物角色開始豐富。 

後段開始描述魔王相關劇情，身上寄宿炎之精靈伊芙利特既少女「靜」既出現等等，作品世界觀開始慢慢浮現，後期加入大鬼族、與豬頭族決戰等等令故事劇情更加豐富精彩。

本作最特別之處就係魔物改名進化，呢一點係其他異世界作品比較少見(仲可以光明正大進化成美少女帥哥)，雖然動畫所描述既劇情量暫時唔多，原作中既設定、角色、世界觀都有相當大量依然未登場，不過動畫版的確唔錯，值得期待下一季，而且第二季由田所梓唱新 ED，好想快啲聽あああああああああああ。

如月冰

Gameapps.hk 小編，重度打機、動漫迷+聲優宅，較鐘意睇萌系、輕鬆、百合番，手機、電腦、PS4遊戲都有涉獵，主玩《FGO》、《少女前線》、《MLTD》、《公主連結R》。

─完─

在 Google 上關注我們 在Google 加入我們