進擊的四大台柱

極具野心的世界觀

從最表面睇進擊就係充滿血腥、暴力同熱血，但相似嘅作品喺動漫界根本數之不盡，點解進擊可以突圍之出？仲要由一位名不經傳嘅漫畫家諫山創完成呢項創舉，如果先將三位主角嘅經歷放埋一邊，成個故事嘅主線就係源自一條匙，唔知大家仲記唔記得一開始艾倫老母仲在生嘅時候，佢老豆決定向艾倫介紹地下室嘅存在？呢個絕對係一個既有野心又有小聰明嘅設定，因最近動畫版大熱，作者又對地下室的秘密一拖再拖，結果成個故事嘅結局就由一條匙決定？！

串連整個故事的軸心

進擊的巨人呢套嘢，並唔係今時今日先有嘅作品，只係動畫版嘅推出令到呢套嘢變成大熱之作，由一頁頁黑白印刷嘅漫畫，變成有聲有色嘅動畫，吸引性自然大增，本身諫山創嘅畫風唔算成熟，但動畫化後完全睇唔出有呢種缺點，就好似改篇電影一樣，製作組無必所提及所有情節，帶出主要嘅段落，再將精彩吸引嘅鏡頭優化，最後配上適當嘅音效，已經足以打動眾。

音樂萬能Key？！

另一個令進擊喺網上備受注目嘅原因，就係音樂上嘅設計，網上改篇之多應該唔洗小弟舉例，各位嘅FB早已經被轟炸，其實日文歌詞只要合韻就可以插到任何一首歌之中，但紅蓮之弓矢呢首OP更加連影像都可以變埋萬能Key，一開始一段激烈嘅前奏帶出主調，再配上一段獨白式演唱，喺完整版入面更夠能聽得出，中段就係不斷以開始時嘅主調作背景音樂，再加上跟劇情相關嘅歌詞，各位不妨認真聽一下，一開始段副歌出現咗幾多次XD。

於Joysound壓過AKB同殘酷的天使～

比18桐人更強嘅Coser

曾幾何時，川原礫嘅刀劍亦都因為動畫化而大熱一時，創下18桐人嘅Cosplay記錄，雖然唔知進擊熱潮可以持續幾耐，但呢部作品絕對創下最瘋Coser記錄（下圖），亦有唔少人專扮低能巨人（圖片過份不雅，無法展出），如無意外今個8月香港CW同動漫展都會見到一大堆自衛兵團（笑），各位就準備比較一下，乜水扮得最似啦！

為理想的一跳...

你又打唔打算買返件？

周邊主打暴力美學

一部作品要搵錢，除咗原著漫畫、動畫DVD之外，就要靠周邊搵食，但進擊無乜可能跟賣肉番，出迷人嘅Figma，所以頭幾批官方授權嘅公仔都係以主力做賣點，主打吞食同戰鬥時嘅場景，作為裝飾品，次次望到嗰啲偏粉紅色嘅蕃茄汁都令人回味無窮（？！）。

真係會有好嘅銷量？！

在 Google 上關注我們 設定為優先來源