如月冰的宅指揮部第十四回：今年過了一個美好的生日

今井麻美曾經飾演過《命運石之門》牧瀨紅莉栖、《偶像大師》如月千早、《超次元戰記 戰機少女》的諾瓦露／黑色之心、《閃亂神樂》斑鳩等等角色，在聲優界亦有一定人氣，活動中經常親近其他女聲優，所以有「熟女」(女性的紳士「變態」) 之稱，花名為「ミンゴス」(Mingosu)。

雖然本業係聲優，但本人唱功了得，2009 年正式以歌手個人歌手身份出道，推出過 19 隻單曲與 6 張個人大碟。小編最鐘意佢獨特既聲線、柔和既曲風，亦非常欣賞佢既唱功。而且佢非常鐘意講笑，經常係中場 MC 部分搞氣氛，引大家發笑。

今次係今井麻美首次海外個人演唱會，身為 Fans 知道佢係香港開海外首場真係非常開心，特別寫左 Fans 信同送左幾份禮物，另外亦同香港其他 Fans 夾份送左花籃。演唱會係九龍灣國際展貿中心地下 Music Zone 舉行，以日本聲優歌手演唱會黎講，今次都算相當多人支持。

演唱會除左主要唱個人曲外，亦唱左全新動畫《命運石之門 0》片尾曲「World Line」、《可塑性記憶》動畫主題曲「朝焼けのスターマイン」與遊戲主題曲「Reunion 〜Once Again〜」，更現場演唱同音樂公司 5pb. 旗下《命運石之門 0》主題曲「ファティマ」與《命運石之門》動畫主題曲「Hacking to the Gate」等等動漫迷熟悉既歌曲。

有睇開日本演唱會既大家應該知，日本歌手演唱會係嚴禁演出期間拍攝，所以小編今次無咩相比到大家睇。不過小編有幸企第一列近距離欣賞，而且係生日正日收到呢份生日禮物真係非常開心。希望下次再有機會邀請到佢黎香港演出啦！

早晨☆香港の朝。今日も晴れました。公園までお散歩。昨日は楽しんでもらえたかしら。你昨天過得好嗎？後ろまで沢山来てくれて、本当に感動しました。很多人來到後座，給我留下了深刻的印象。 pic.twitter.com/mYgFLSI6Jz

— 今井麻美 (@asamingosu) 2018年11月19日

改めまして、香港ライブ「今井麻美 Live in Hong Kong 2018」ありがとうございました！
2019年は今井麻美にとって歌手活動10周年、そして1月7日より今井麻美が主題歌を担当するTVアニメ「ぱすてるメモリーズ」もスタートしますので、ぜひ応援よろしくお願いします♪https://t.co/WbSx34zEAY#ミンゴス pic.twitter.com/SzIkD3jk0Z

— 今井麻美info（アーティストSTAFF) (@div25pb) 2018年11月20日

如月冰

Gameapps.hk 小編，重度打機、動漫迷+聲優宅，較鐘意睇萌系、輕鬆、百合番，手機、電腦、PS4遊戲都有涉獵，主玩《FGO》、《少女前線》、《MLTD》、《公主連結R》。