研究發現：長相越好的人越少打機 外貌竟左右遊戲時間分配

美國全國經濟研究所（NBER）早於2024年發表嘅一篇學術論文《Looks and Gaming: Who and Why？》中，分析了外貌與打機習慣之間的關聯性，結論令人驚訝：越靚仔靚女，越唔鍾意打機。原因？佢哋喺現實生活中社交活動更多，對遊戲嘅依賴相對較低。

該研究引用美國「青少年健康縱貫研究（Add Health）」數據顯示，美國青少年平均有2.6%時間用喺打機上，而成年人為2.7%。但當外貌因素納入考慮後，發現長相出眾嘅青少年通常擁有更多親密朋友，社交活動頻繁，自然少咗時間留喺屋企打機。

簡單講，對於長得好看嘅人嚟講，遊戲屬於「高成本」活動──「我有咁多人約我出街，點解要宅喺屋企打機？」因此，他們投入遊戲嘅時間比外貌不佳者明顯少。

就算佢哋都有打機，長相較佳者玩嘅時間仍然較短。論文仲指出，呢種差異唔只喺青少年身上出現，成年人同樣受外貌影響打機時間。研究提供咗具因果關係嘅數據，顯示美貌會令一個人減少打機時間，相反亦成立。

在 Google 上關注我們 加入我們