GameApps Logo

如月冰的宅指揮部第二十五回:美國特工之旅《Division 2》玩後感分享

2019-03-24 2742
《隻狼:暗影雙死》正式推出,不過小編我依然努力係美國做特工,《隻狼》應該會遲啲先有時間入手玩。今次就分享少少推出左一星期多既《Division 2》玩後感。

《Division 2》先不論一貫既多 BUG,對比上一集的確有唔少改進之處,加入控制點、賞金任務、計劃、進階職業等等令單人模式內容變得非常豐富,不過今集難度大幅提升,遊戲敵人等級不再以地區均分,雖然令玩家無需再集中於一個地區探索,不過地圖全體敵人強度上升,加上更加聰明的 AI,玩家單人探索的死亡機率大幅提升。

因為遊玩模式改變,令今集主軸由暗區轉移至協力遊玩探索地圖,對於相對鐘意協力多於 PVP 既小編黎講真係福音,小編都係上一集《Division》既長期玩家,不過後期遊戲集中於暗區,而且高等級裝備集中於最後兩區,原本只想入暗區打裝,不過就會演變成一整晚既 PVP 互殺。

《Division》暗區 PVP 機制與舊時部分線上遊戲模式類似,加上懲罰機制不嚴厲,很容易就會變成無止境既互相殘殺。《Division 2》將暗區分為 3 區,而且加強經驗值懲罰機制等等,間接減少暗區惡性 PVP 的情況。

而且《Division 2》除了三個陣營「真實之子」、「鬣狗」與「流浪者」外,最後會新增一個最強勢力「黑色獠牙」,玩家第一次爆機後,就會開放世界分階,所以第一次爆機以及 30 LV 後,遊戲先真正開始。

雖然遊戲內容、槍械技能平衡、敵人 AI 等等多方面都有改善,不過遊戲中依然有相當多 BUG 與設定上問題,其中最明顯一樣係技能模組,模組以珍貴度與等級 / 力量值決定需求技能強度,不過效能設定上非常奇怪,部分低等級低珍貴度既模組,效能上竟然與高等級高珍貴度差不多,令玩家跟本不應收集高級模組,希望呢個設定未來會更改。

如月冰

Gameapps.hk 小編,重度打機、動漫迷+聲優宅,較鐘意睇萌系、輕鬆、百合番,手機、電腦、PS4遊戲都有涉獵,主玩《FGO》、《少女前線》、《MLTD》、《公主連結R》。

─完─


最新評論

遊戲APK下載搜尋

訂閱YOUTUBE頻道

手機版 | 聯絡我們
© GameApps.HK 香港手機遊戲網 2013-2020