GameApps.hk 香港手機遊戲網

如月冰的宅指揮部第一話:新上任指揮官報到

icon
大家好!我係 Gameapps.HK 上任無耐既小編如月冰,今日下午突然被老總叫入房,原來叫我每星期寫一篇週記,講吓我平常睇開嘅動漫或者講吓遊戲之類。

小編個人比較鐘意睇萌系番動畫,睇下聲優情報同聽歌,亦鐘意肝手機GAME,而家主要打緊少女前線、FGO、偶像大師劇場時光、公主連接 Re:Dive等等,FGO 水著活動仲有四日完,大家肝好活動分未?今次要肝三樣活動分各10萬係辛苦少少,未肝完既加油啦!

小編終於肝完分

最後10抽終於中最想要既水著梅芙!超絕勝利!

今次為大家介紹一套我好鐘意既動畫《少女與戰車》,《少女與戰車》既世界入面將戰車對戰視為一門運動競技,講述一眾女子高中生登上稱為學園艦既巨大船上讀書學習,而且有一門類似劍道、弓道、花道等等既技藝名為「戰車道」,「戰車道」指一眾女高中生駕駛二次大戰時期實際存在既戰車進行對戰競技,一開始聽落設定幾無稽,不過動畫製作組對戰車設定非常用心,甚至親身到外國既戰車博物館取材,以還原各戰車內至外所有細節。絕對係軍事戰車迷欣物。

另外,動畫中有大量各有獨特個性的角色,戰車道比賽過程緊張刺激,除左認真的炮擊戰外,比賽過程中經常有不同笑料,令觀眾緊張之餘又不乏輕鬆情節。而且動畫中被稱為「軍神」既主角西住美穗經常想出一些令觀眾意想不到的戰術出奇制勝,每次都睇到驚喜萬分。

小編個人非常推薦《少女與戰車劇場版》,雖然只有約兩小時既長度,不過劇場版內容非常精彩,更多充滿魅力的角色登場,戰車道兩大名門「西住流」對「島田流」展開激戰!絕無冷場!香港上映時小編甚至去戲院睇左 4 次4DX版!至於內容我就唔太多講,有興趣既朋友快去睇下啦!

今次講住咁多先,下星期再同大家講下宅野,下星期見!






Advertisement
廣告贊助
Follow Us

  人氣#TAG

遊戲APK下載搜尋

手機版 | 聯絡我們
© GameApps.HK 香港手機遊戲網 2013-2024